هدا الحب قصة روعة

هـــــــــــ الحب ــــذا............(قصه سعوديه أجزاء)
السلام عليكم
جبت لكم قصه سعوديه مرره روعه.........اتمنى يعجبكم
القصه شفتها في منتدى ثاني مره رووووعه
....................
شخصيات القصه:

عائلة بومشعل/ بومشعل – أم مشعل
- مشعل(29سنه) متزوج وعنده الدلوع بندر يشتغل مع ابوه وأعمامه بشركتهم.
- هيا زوجة مشعل
- عزام(19سنه) يدرس بسنه أولى جامعه وجميل خلوا جماله بصوب ونظرة عيونه
بصوب.
- حلا(17سنه) بالثانويه حلوه وفضوليه.
ــــــــــــــــــــــــــــ
عائلة بوعبدالعزيز/ بوعبدالعزيز – أم عبدالعزيز
- عبدالعزيز(24سنه) آخر سنه له بالجامعه ويشتغل مع أبوه وأعمامه بشركتهم
شاب حلو و وسيم ولطيف.
- مساعد(19سنه) يدرس بسنه أولى جامعه مغرور وقمر ماشالله عليه جماله
ماينوصف.
- بيان(17سنه) تدرس بالثانويه بنت حلوه وبريئه وتحب ولد عمها(راشد).
ــــــــــــــــــــــــــــ
عائلة بوراشد/ بوراشد – أم راشد
- الجازي(22سنه) تدرس بالجامعه حلوه وناعمه.
- راشد(19سنه) بسنه اولى جامعه جميل ورزه ويحب بنت عمه(بيان).
- نايف الصغير(18سنه) بثالث ثانوي مشاغب وحلو ومتهور.
ــــــــــــــــــــــــــــــــــــــــــــــــ
وغيرها من الشخصيات بنتعرف عليها في القصه..
بومشعل وبوعبدالعزيز و بوراشد إخوان وعلاقتهم مع بعض قويه ..
ــــــــــــــــــــــــــــــــــــــــــــــــــ ــــــ
نبدأها بيوم ملكة عبدالعزيز على بنت عمه الجازي(عبدالعزيز من هو صغير مسمى
لبنت عمه الجازي وهو ما يحبها بس ماحب يرفض كلمة أمه وأبوه فوافق وهو
مايبيها والجازي تموت عليه)
كان عبدالعزيز بغرفته واقف عند الشباك ودخل مساعد...
مساعد:هلا والله بالمعرس
عبدالعزيز وهو شارد:هلا
مساعد:هذا شكل واحد اليوم ملكته مفروض تفرح
عبد العزيز يضحك بسخريه:أفرح..أفرح وأنا بكمل حياتي مع بنت ما أبيها ما
أحبها
مساعد:عزيز هذا الواقع ولازم ترضى فيه وأنا متأكد إنك مع الأيام بتحبها
عبدالعزيز:أنا سنين ما أعجبت فيها في أيام راح أحبها مستحيل
مساعد:إذا ماتبيها ليه وافقة من البداية؟؟
عبدالعزيز:وأهلك بيهتمون لرايي
مساعد:الجازي حلوه وطيبه وإذا تقربت منها أكثر راح تتغير مشاعرك ناحيتها
أما الجازي فكانت فرحانه كثير وكانوا معاها بنات عمها بيان وحلا وزوجت ولد
عمها هيا وكانت الكوافير تعدل الجازي بغرفتها..
حلا:بجد المكياج لعب دوره
هيا:لاوالله الجازي من زمان قمر
الجازي:تسلمين هذا الكلام الحلو موب كلامك
بيان:هههههههه أجل أنا أخليكم باروح أشوف خالتي إذا تحتاج مساعده
راحت بيان لأم راشد بالمطبخ...
بيان:مرحبا خالتي
أم راشد:هلا بنتي
بيان:تحتاجين مساعده؟؟
أم راشد:لا حبيبتي أنا خالصه شكراً
بيان:براحتك..خالتي أنا فوق إذا تبين شي ناديني
طلعت بيان من المطبخ ولقت عمها جالس بالصاله راحت تسلم عليه...

بيان:السلام عليكم عمي

بوراشد:هلا هلاوالله يالغاليه كيفك؟؟

بيان:بخير الحمدلله انت شلونك عمي؟؟

بوراشد:الحمدلله

بيان:كيف الشركه معاك عمي؟؟

وهو بيرد سمع صوت الأغاني على حدها..

بوراشد:منوهذا؟؟روحي يابنتي شوفي من مرفع على الأغاني كذا وقولي له يقصر
على الصوت

بيان وهي قايمه:إنشالله عمي

ركبت بيان لمصدر الصوت وقفت عند غرفة راشد...

بيان:هذا ليه مطول على الصوت كذا؟؟خلني أشوفه

طقت الباب كذا مره وراشد من الصوت العالي ماسمعها عصبت بيان وفتحت الباب
بقوه ولقت راشد متسطح على السرير ولابس شورت وتيشيرت بدون أكمام وسارح مع
الإغنيه ...

بيان:راشد..راشد

راشد مشغول تفكيره وماسمعها دخلت بيان وسكرت الستيريو إنتبه لها راشد..

راشد وبكل برود:ليه كذا؟؟

بيان:إلي ماخذ عقلك يتهنى به

راشد يضحك على جنب:إلي ماخذ عقلي بنت ملاك عذبتني في حبي لها أبي أقول لها
أحبك

بيان وهي كاتمه عصبيتها:من ماسكنك قول لها

راشد:متأكده أقول لها

بيان شوي وتصارخ في وجهه قام راشد من السرير وتقرب منها وهمس بإذنها..

راشد:أحبك

ضحكة بيان ونزلت راسها طلعت من الغرفه وراحت لغرفة الجازي...

هيا:انت وينك؟؟

بيان:أنا هنا ماتستغنون عني لحظه

حلا:موب بس الحبايب مايستغنون عنك

بيان:الله يرجك

وأخذتهم السولف ومضى الوقت وجاوا المعازيم وبعد شوي دخلت أم عبد العزيز على
البنات...

أم عبدالعزيز:إيش هالزين والله عرف يختار ولدي

الجازي:مشكوره خالتي تسلمين

أم عبدالعزيز:يالله متى نفرح فيكم يابنات

حلا:آميــــــــــــــــــــــن

الكل قعد يضحك على حلا...

بيان:ها يمى إيش رايك فيني؟؟



أم عبدالعزيز:ياحبيبتي انت قمر

بيان بمسخره:أدري من زمان هههههههه

حلا:مصدقه روحك انت وجهك

بيان:أيوى وليه ماصدق حالي ماسمعتي أمي إيش قالت
قمــــــــــــــــــــــــــــــــر

حلا:إيوى باين

بيان:تتطنزين حضرتك

حلا:لاوالله جد

بيان:على العموم مشكوره

أم عبدالعزيز:أنا نازله للمعازيم وانتوا إستعجلوا لكم شوي

بيان:يالله يالجازي متى تخلصين؟؟

الجازي:والحين متى الملكه؟؟

بيان:بعد6شهور7 كذا انت إيش فيك بعد شوي وبعدين المعازيم وصلوا بتقوم
الحفله وناســــــــــــــــــــــه

حلا:لايطق لك عرق بس

بيان:انت إيش فيك علي اليوم بس تتطنزي

حلا:سوري

بيان:أحسب مابقى إلا البزارين

حلا:ماحد بزر غيرك

الجازي:ممكن تسكتون

بيان و حلا:إنشالله

بيان:أنا رايحه أضبط الميك آب وراجعه

حلا:مابتجي إلا وحنا خالصين

راحت بيان للحمام إلي بالطابق الثاني وقفت أمام المرايا إلي جنب الحمام..

بيان:غبيه هذي ماتعرف تحط الميك آب غامق كثيييييييييييييييييير

الاوتسمع صوت يكلمها...

الطرف الثاني:لا بلعكس

بيان باستغراب: رااااااااااااااااااااااااااااشد

كان راشد متكي على الجدار ويطالع بيان من فوق لي تحت

راشد: لا جورج بوش ..........أي راشد ليه أخترعتي؟

بيان بخوف:راشد روح لايشوفك أحد معي ..............أوووووه وين شيلتي
....عن أذنك

راحت بيان ووقفت على صوت راشد يناديها...

راشد:بياااااان

بيان:هلا

راشد:أحد قالك أنك مثل القممممر

بيان ضحكت وراحت ............وراشد تنهد وراح

وقفت بيان بعد ماراح راشد وتقول في نفسها:آآآآآآآآآآآآآآآآآآآآآآآه ه ه من
زمان قالوها بس منك لها طعم ثاني آه ياراشد

وراحت بيان للبنات...

حلا:كل هذا تضبطين الميك آب

بيان:هاااا أيش

حلا:وييييييين رحتي؟؟

بيان:المريخ يعني وين رحت

هيا:بس انت وياها يالله تأخرنا خلنا ننزل

الجازي:أنا جاهزه

وقفوا عند الدرج وكانت الجازي جداً ناعمه فستانها أصفر فاتح وأزرق وميك
آبها مثل ألوان فستانها وشعرها فيه حركه بسيطه من قدام وكانوا بيان وحلا
وهيا وراها قربت هيا من الجازي...

هيا:يالله لا تخافين نزلي

الجازي خايفه ومرتبكه:طيب

نزلت الجازي الصاله والبنات وراها وتوجهت الأنظار كلها عليهم الجازي كانت
مرتبكه كثير وصلت لأمها وسلمت عليها...

أم راشد:والله كبرت يابنتي وصرتي عروس

إبتسمت الجازي وباست راس أمها وراحت جلست على الكرسي شغلت حلا الستيريو
ومسكت بيان إلي كانت جالسه على الكنبه وتحاول تقومها...

حلا:يالله قومي نرقص

بيان:لا لا مابي

حلا:يالله عاد بلا سخافه

إسحبت حلا بيان بقوه ورقصت معاها..أما في مجلس الرجال كان عبد العزيز متوسط
أبوه وعمه ومساعد جالس جنب فيصل(صاحبه الروح باروح ومايفارقه)وراشد
قبالهم..مساعد يطالع عبد العزيز ويقول بخاطره...

مساعد:ليه الإبتسامه المصطنعه ياعبد العزيز معقوله للحين وموب راضي بالجازي

قطع تفكيره فيصل...

فيصل:ها تفكر فيني؟؟

مساعد:أحد يفكر فيك انت وجهك
فيصل:حاصل لك قمر مثلي

عبدالعزيز يكلم مشعل:أقول بو بندر وينه عزاموه ليه ماجى معاكم؟؟

مشعل:والله مادري عنه طلعنا وهو نايم

راشد:نايم ولا مايبي يشوف مساعد

مشعل:أظن كذا

بوعبدالعزيز:راشد ولدي قول للحريم يسوون لنا درب بندخل ألحين

راشد:إنشالله عمي

مساعد دار لفيصل:تصدق إيش أحلى شي بالملكه

فيصل يعدل ثوبه:إحم أكيد أنا

مساعد:أوه ماخذ بروح مقلب انت أكلمك بجد ياغبي

فيصل:أيش؟؟

مساعد:عزاموه موب موجود

فيصل:حرام عليك والله عزام حلو

مساعد:ولي يرحم والديك أسكت هذا حلو

راح راشد المطبخ ولقى حلا هناك طق الباب ودارت حلا تشوف من...

حلا:أوه إيش ذى الأدب تقدم

راشد:من زمان مأدب بس ماحد مكتشف

حلا:إيه واضح

راشد و حلا:هههههههههههه

راشد:يالله قولي لهم بندخل ألحين

حلا:أوكي

راحت حلا الصاله وقالت لهم إرتبكت الجازي من سمعت حلا قالت إنهم بيدخلون
قربت منها أم مشعل وقالت...

أم مشعل:خليك طبيعيه يالجازي لاتخافين

الجازي بتوتر:أحاول خالتي

بيان كانت جالسه جنب الهنوف (صاحبتها وقريبتهم من بعيد)...

الهنوف تكلم بيان:بيانوه بيدخل معاهم مساعد؟؟

بيان:أمممممم ماأظن

الهنوف:ليه؟؟

بيان: مساعدوه أخوي مايحب هذي الأشياء

الهنوف:خساره وحشني أبي أشوفه

بيان:أنا مادري انت كيف عاشقه مساعدوه وهو موب عاطنك وجه

الهنوف:قلبي بعد إيش أسوي..بعدين أنا متأكده مع الأيام راح أكسبه

بيان:بالمشمش..قلب مساعد صعب توصلين له

وفي مجلس الرجال..


بوراشد:يالله ياولدي عبد العزيز

عبد العزيز:يالله

عبدالعزيز كان مضايق كثير ومعصب وموب طايق الوضع إلي هو فيه وصلوا الصاله
وأول ماشاف الجازي نزلت راسها وقال بخاطره...

عبدالعزيز:الله عليك يالجازي قمر قمر بس للأسف موب قادر أعتبرك خطيبتي

قرب عبد العزيز من الجازي وسلم عليها...

عبدالعزيز:كيفك؟؟

الجازي بصوت خفيف وناعم:بخير

جلس عبدالعزيز على الكرسي إلي جنب كرسي الجازي وكان معاه أبوه وعمه وراشد
ونايف..جابت أم عبدالعزيز الشبكه وساعدت عبدالعزيز هي وأم راشد عشان يلبس
الجازي وهو يلبسها الخاتم قالت بخاطرها...

الجازي:وأخيراً عطيتني الخاتم إلي بيربطني فيك ياعبدالعزيز

أما عبدالعزيز كان راسم إبتسامه على وجهه عشان لايحسسها إنه مايبيها ولا
يخرب فرحة أهله جلسوا شوي...

بوعبدالعزيز:يالله ياعزيز روح إجلس مع زوجتك بروحكم

عبدالعزيز:طيب

راح عبدالعزيز مع الجازي وجلسوا بغرفه بروحهم..عبدالعزيز موب أول مره يجلس
مع الجازي بروحهم بس إلي إختلف هذي المره إنه يجلس معاها كخطيب وخطيبته...

عبدالعزيز:مبروك ياقمر

الجازي:الله يبارك فيك...عزيز

عبدالعزيز:هلا

الجازي:إيش فيك شكلك تعبان

عبدالعزيز:أنا لا لا عادي

بعد صمت دام 5دقايق...

عبدالعزيز:هههههههههههههههههههههه

الجازي مستغربه:ليه تضحك؟؟

عبدالعزيز:لابس شكلك خجلانه كثير كأنك أول مره تجلسين معاي

الجازي:هههههه الوضع تغير

عبدالعزيز بخاطره:للأسف إنه تغير

طقوا الباب بيان وحلا ودخلوا...

بيان:سوري على الإزعاج بس ماتبون تتعشون؟؟
عبدالعزيز وهو قايم:أوكي أنا باروح المجلس للرجال باي

بيان وحلا والجازي:باي

طلع عبدالعزيز وجلست حلا جنب الجازي...

حلا:ها إيش قلتوا؟؟إيش قال لك؟؟

الجازي:مالك دخل بجد ملقوفه

وفي المجلس بين السولف والضحك دخل عزام...

عزام:السلام عليكم

الكل:وعليكم السلام

مساعد بصوت خفيف:أوف هذا إيش جابه يالله

راح عزام يسلم على عبد العزيز...

عبدالعزيز:لا لاتكلمني أنا زعلان عليك

عزام:ليه عسى ماشر؟؟

عبدالعزيز:كان لاجيت كمل نومك

عزام:ههههه سوري وحقق علي يابو الشباب ألف مبروك

عبدالعزيز:الله يبارك فيك

سلم عزام على أعمامه وبارك لهم وجلس جنب راشد...

(علاقة عزام مع راشد قويه أعظم من أخوه بس علاقته مع مساعد مكهربه مايحبون
بعض ودايم إهواش)...

راشد ضرب عزام على كتفه:وينك انت ماتشبع نوم؟؟

قرب عزام من راشد وقاله بأذنه:ياغبي ماكنت نايم بس ماأبي أجي بدري وأقابل
مساعدوه كثير

راشد:أها مثل ماتوقعت

وقف بوراشد:يالله ياجماعه تفضلوا العشا جاهز

راح الكل لقاعة الطعام عشان يتعشون ماعدا مساعد وفيصل إنتبه لهم نايف وراح
لهم...

نايف:ماتبون عشا؟؟

مساعد وفيصل:شبعانين

نايف:انت إيش فيك إنقلبت من دخل عزام؟؟

مساعد:نايفوه مالي مزاجك إقلب وجهك

نايف:وإذا ماقلبته

طالع مساعد نايف بنظرات عصبيه خاف نايف...

نايف:لاطالعني كذا خلاص باروح باروح

راح نايف وهو يركض وضحك عليه فيصل شوي وقاموا راشد وعزام من العشا وراحوا
يغسلون...

عزام:وينه السخيف ماشفته على العشا؟؟

راشد:من؟؟مساعد يمكن مايبي

عزام:أحسن

راشد:تعبت أدور سبب واحد للخلاف إلي بينك وبينه

عزام:لاتعب نفسك مافي أي سبب غير إن مساعدوه مغرور وسخيف مادري كيف
متحملينه انت وربعه

خلصوا العشا وجلسوا بالمجلس...

بوراشد:نايف بابا قوم صب القهوه

نايف:يوبى عندك راشدوه ومساعدوه وعزاموه مالقيت إلا أنا أصب القهوه

بوراشد:بتقوم بالطيب ولا...

نايف:لا لا أقوم وليه ماقوم

ضحك مشعل على نايف:الله يساعدك ياعمي عليه

بوراشد:والله بجنني هالولد

وفي الصاله عند الحريم كانت أشواق بنت خالة عزام جالسه مع الجازي وخلتها أم
مشعل...

أم مشعل:متى نفرح بك ياأشواق مع عزام

إخجلت أشوق وقالت بخاطرها:هو خله يعرفني عشان يوافق علي زوجته

الجازي:هه وين رحتي؟؟

أشواق:لامعاكم

(عزام علاقته مع عائلة خالته ضعيفه جداً وتقريباً ماشافهم من هو بالمتوسطه
عشان كذا مايعرف أشواق ولاأخوها حمد وأمه دايم تقول له انت لأشواق وأشواق
لك وهو دايم في باله أشواق الموب حلوه عشان كذا رافض الفكره ولافكر مره إنه
يشوفها بس أشواق تعرفه كانت تشوف صوره عند إخته حلا)نرجع...

الجازي:أشواق أيش دورين؟؟

أشواق:جوالي..أوه نسيته بالسياره باروح أجيبه

الجازي:أوكي

طلعت أشواق تجيب جوالها من سيارتهم وكان السايق واقف عند الباب وبنفس الوقت
كان عزام مستأذن بروح البيت أخذت أشواق جوالها وهي داخله كانت منزله راسها
تلعب بالجوال عزام وهو طالع ماأنتبه لأشواق صدمت أشواق بعزام وجى راسها
بصدره طاح جوالها ورجع عزام على وراه...

أشواق:أوبس سوري

إنتبهت أشواق إنها صدمت بولد خالتها عزام بس هو ماعرفها وقالت بخاطرها:عزام
يالله أحلى من الصور بكثير قمر..عزام رفع جوالها من الأرض وطالعها وهو
رافع حاجب ويضحك على جنب...

عزام:ولايهمك تفضلي

عطاها الجوال وإبتسمت أشواق ودخلت وهي موب مصدقه إلي صار تقول:الله ماأحلى
نظراته إصدقت حلا عيونه تذبح

عزام ركب سيارته وقال: من هذي البنت قمر وعيونها حلوه بس نظراتها لي كانت
غريبه ..يمكن وحده من صاحبات الجازي بس شكل البنت أصغر من الجازي..أوه وأنا
إيش دخلني من هي

شغل مسجل السياره على أغنية نبيل شعيل"لومـا"رفع على الصوت وحرك السياره
بسرعه كعادته..حلا شافت أشواق داخله وهي سرحانه...

حلا:هه وين كنت؟؟

أشواق:ها رحت أجيب جوالي من السياره

بعد شوي راحوا المعازيم وظلت العايلتين بس...

بوعبدالعزيز:يالله ياولاد نمشي

بوراشد:وين أخوك بدري

بوعبدالعزيز:بدري من عمرك ياخوي بس ورانا شغل بكره.. نايف روح نادي خالتك
وبيان قول لهم يطلعون

نايف: أوكي

عبدالعزيز ضرب نايف:يقولون إنشالله.. تعلم الأدب ياولد

نايف بعصبيه:إنشالله

مساعد:راشد بتدخل النت بعدين؟؟

راشد:أكيد من زمان مالعبن

مساعد:هههههههههه أكلمك بعدين

ركب مساعد مع عبدالعزيز باسياره وطول الطريق عبد العزيز كان ساكت ومساعد
يبي يفتح معاه الموضوع ومب عارف .. مساعد قطع الصمت وقال...

مساعد:عبدالعزيزإيش فيك ساكت؟؟

عبد العزيز:أيش أقول؟؟

مساعد:ماقلت لي كيف كانت الجازي؟؟

عبدالعزيز:أممممممممم حلوه

مساعد:أكيد تغير رايك

عبدالعزيز:أيوى

مساعد:بس عيونك تقول غير كذا

طالع عبدالعزيز مساعد بسرعه ورجع يطالع الطريق...

عبدالعزيز:والله مادري إيش أقول لك يامساعد موب قادر أستوعب إن الجازي
خطيبتي

تنهد مساعد وظل ساكت.. وصلوا البيت راح عبدالعزيز على طول لغرفته وسكر عليه
الباب مساعد وهو رايح لغرفته مر على غرفة بيان وسمعها تكلم...

مساعد:خلني أتفلسف على بيانوه شوي....ودخل غرفتها

بيان:بسم الله طق الباب قبل ماتدخل

مساعد:من تكلمين؟؟

بيان:مالك دخل

مساعد:نعم مالي دخل أوريك.....أخذ المخده وضرب بيان على راسها بقوه

بيان:آآآوو انت إيش تبي؟؟

مساعد:مابي شي سكري التلفون

بيان:أوكي الهنوف أشوفك بكره باااي...سكرته تبي شي ثاني؟؟

مساعدبغرور:لأ.. قودنايت..وطلع من الغرفه

بيان:ياربي مغرور

مساعد وهو رايح غرفته:الغبيه طالعه حلوه

دخل غرفته وغير ملابسه وجلس على النت بيان غيرت ملابسها وهي تمسح الكياج جى
على بالها راشد وسمعت همسته في إذنها لما قال:أحبك..أما عبد العزيز فكانت
حالته صعبه موب مصدق إنه إرتبط بالجازي وصارت خطيبته..

وفي الصباح في الشركه بالتحديد مكتب عبد العزيز طق الباب مشعل...

عبدالعزيز:هلا والله بوبندر

مشعل:هلا فيك كيفك؟؟

عبدالعزيز:تمام الحمدلله

مشعل:ماعندك اليوم محاضرات؟؟

عبدالعزيز:لا اليوم ماعندي

مشعل:وأخبار الحبايب؟؟

عبدالعزيز:أي حبايب؟؟أوه هههههههه

مشعل:أمحق ولد نسيت خطيبتك

تغيرت ملامح عبدالعزيز وقال بصوت خفيف:خطيبتي

إنتبه مشعل لعبد العزيز إنه مضايق...

مشعل:عزيز

عبدالعزيز:هلا

مشعل:ممكن أعزمك على قهوه؟؟

عبدالعزيز:أوكي بس بشرط

مشعل:آمر تدلل

عبدالعزيز:أبي ستارباكس

مشعل:من عيوني تفضل

وفي الجامعه كان مساعد يمشي ويقرا بكتابه وعزام يمشي عكس إتجاه مساعد وكمان
يقرا بكتابه صدم عزام بمساعد وطاحوا كتبهم...

عزام يصارخ:أعمى ماتشوف قدامك

مساعد:من الأعمى فينا أنا ولا انت ياغبي

عزام:إحترم نفسك ماحد غبي غيرك

أنقذ الموقف راشد إلى جه وبعد الإثنين عن بعض...

راشد:وانتوا مايمر عليكم يوم ماتتهاوشون فيه

مساعد وهو يرفع كتابه:قول للجاهل إلي معاك

جى عزام بيضرب مساعد بس راشد إمسكه .. طالع مساعد عزام بنظرات إحتقار
ومشى...

عزام وهو ضاغط على أسنانه:تااااافه

بالكافي شوب كان عبد العزيز جالس مع مشعل...

مشعل:عزيز أبي أسألك سؤال؟؟

عبد العزيز:أيش؟؟

مشعل:انت..انت تحب الجازي؟؟

عبدالعزيز كان يحرك الكابتشينو إرتبك وطاحت الملعقه من يده...

عبدالعزيز:أكيد ليه تسأل؟؟

مشعل:بس شكلك يقول غير كذا ..عبدالعزيز انت تبي الجازي راضي بها؟؟

عبدالعزيز:مشعل إيش فيك أكيد أبيها

مشعل:بس أنا لاحظت عليك أمكس بالمكه كنت مضايق واليوم لما سألتك عنها كمان
تضايقت عبد العزيز صارحني قول لي إلي بقلبك

عبدالعزيز تنهد:مشعل أنا..أنا أحب الجازي لكن حب أخوه وموب قادر أعتبرها
خطيبتي

مشعل:طيب ليه؟؟

عبدالعزيز:مادري يمكن مافيها مواصفات الزوجه إلي أبيها

مشعل:بس الجازي كامله والكمال لله ومافيها شي ناقص

عبدالعزيز:عارف..الجازي جميله وأخلاقها حلوه بس ماأبيها خطيبتي

مشعل:قلت لعمي هذا الكلام؟؟

عبدالعزيز:لا

مشعل:ليه؟؟

عبدالعزيز:ماأظن أبوي بيسمع كلامي خصوصاً الأمر مكتوب من صغرنا

مشعل:عبدالعزيز أنا متأكد إن الجازي راح تغيرك بطيبتها وأخلاقها بس انت شيل
فكرت إنها ماتناسبك من بالك وحاول تتعايش مع الواقع وراح تتغير صدقني

عبدالعزيز:أحاول

وفي الطريق وهو راجع أخذ جواله...

عبدالعزيز:أدق عليها..لا لا ماله داعي..بس إيش راح تقول عني إذا
مادقيت..أووه

الجازي كانت بسايقهم الخاص راجعه بيتهم سمعت جوالها وعرفت من النغمه إنه
عبدالعزيز فرحت كثير...

الجازي:آلو

عبدالعزيز:هلا الجازي كيفك؟؟

الجازي:بخير الحمدلله انت إيشلونك؟؟

عبدالعزيز:تمام .. خلصتي محاضراتك؟؟
الجازي:أيوى أنا راجعه البيت

عبدالعزيز:أوكي أكلمك بعدين..قودتايم

الجازي:قودتايم

سكرت الجازي الخط...

الجازي:غريبه ماقال حتى كلمه حلوه

السايق:نعم ماما

الجازي:ماكلمك طالع قدامك

عبدالعزيز رمى جواله على الكرسي إلي جنبه بقوه...

دخل راشد بيتهم ولقى نايف يشاهد التلفزيون...

راشد:هاي

نايف:هايات..انت وينك؟؟

راشد:ومن انت عشان تسألني

نايف:لاياغبي بس أبوي معصب حده منك

راشد:ليه؟؟

نايف:تأخرت كثير ويقول إذا شافك بيعطيك تهزيئه محترمه

راشد:تأخرت..أنا دايم أرجع هذا الوقت مايقول شي

نايف:والله مادري بس نصيحه مني إجلس بغرفتك ولا تطلع إلا إذا راق أبوي

جى راشد بيتكلم وسكت كأنه تذكر شي...

راشد يصارخ:أبوي بالشغل ياسخيف

نايف يركض وهو يضحك وراشد وراه كانت أم راشد نازله على الدرج وقف نايف
وراها...

نايف:تعيش وتاكل غيرها

راشد:أنا أوريك يالتعبان

أم راشد:إيش فيكم؟؟جهال انتوا

راشد وهو يأشر على نايف:ولدك هذا يبي له تربيه

نايف بصوت خفيف:خلني ساكت إن رديت عليه بنام بالمستشفى من الضرب

أم راشد:أوه والله إنكم تجننون يالله ياراشد غير ملابسك عشان تغدا

راشد:أوكي مام

وهو راكب ضرب نايف على ظهره...

نايف وهو ماسك ظهره:آآآآآووو ياغبي





إنشالله عجبكم الجزء

وإذا شفنا ردودكم راح ننزل الجزء الثاني

يوم الأربعاء الصباح في بيت بو عبدالعزيز كان مساعد طالع وبيان نازله على
درج بسرعه...
بيان: مساعد
مساعد:هلا
بيان:إيش رايك توصلني المدرسه اليوم؟؟
مساعد:وليه ماتروحين مع السايق؟؟
بيان:كذا بس أبي أكشخ بك
طالع مساعد بيان وهو رافع حاجب:نعم إيش قلتي؟؟
بيان:لا ولاشي.. بتوصلني ولا لأ؟؟
مساعد:لأ
بيان:بترفض طلب إختك الغاليه
مساعد:ومن قال لك إنك غاليه
بيان:الله يسامحك
مساعد :باي
بيان بخاطرها:طيب يامساعدوه بتشوف من يكلمك
وفي بيت بو مشعل كانوا مجتمعين على الفطور..عزام جالس جنب مشعل ...
عزام يكلم مشعل بصوت خفيف:مشعل
مشعل بصوت عالي:إيش؟؟
ضرب عزام رجله برجل مشعل:قصر صوتك لايسمعك أبوي
مشعل:إيش تبي؟؟
عزام:أبي أروح معاك بسيارتك اليوم؟؟
مشعل:وليه وين سيارتك؟؟
عزام:بجيبي ..يعني وينها بالورشه
مشعل:وإيش تسوي هناك؟؟
عزام:تغير جو.. دعمت بها أمس
مشعل بصوت عالي متعمد عشان يسمعه أبوه:دعمت بها
بومشعل:من إلي دعم؟؟
عزام:ياغبي عجبك كذا..لا لا يوبى ماحد دعم
مشعل يعاند عزام:توك تقول دعمت بسيارتك أمس
عزام:واحد من الربع موب أنا
مشعل:طيب يالله قوم بسرعه
عزام قايم وهو يضحك متونس:يالله
وفي الجامعه وهم طالعين...
راشد:مساعد تعال تغدا معاي بيتنا؟؟
مساعد:لا ماقدر باروح أجيب بيان من المدرسه
راشد:ليه وين السايق؟؟
مساعد:موجود بس تعرف سخافة البنات اليوم الصباح قالت لي أوديها ومارضيت
شكلها زعلت
راشد:أها وبتروح لها عشان تراضيها
مساعد:يس
راشد:مساعد خلني أروح معاك
مساعد:وين تروح؟؟
راشد:نجيب بيان من المدرسه
مساعد:يالله يالله إقلب وجهك
راشد:يالله عاد مساعدوه تكفى
مساعد بغرور:سوري
راشد:طيب ياغبي أوريك
مساعد:باي
راشد بدون نفس:باي
راح مساعد لمدرسة بيان ولقاها طالعه مع حلا...
بيان:مساعـــــــد
حلا:وينه؟؟
بيان:هناك ليه جاي؟؟
نزل مساعد من السياره...
مساعد:تفضلي
بيان بغرور:ماركب مع ناس مايعرفون قيمتي
مساعد:كم؟؟ريال
ضحكت حلا على مساعد...
بيان:تتمسخر وانت أضحكي أضحكي
حلا:سوري
مساعد:يالله بتركبين ولا أمشي؟؟
بيان:أمشي
فتح مساعد باب السياره بيركب...
مساعد:براحتك
بيان:لالا تعال باركب خلاص
مساعد:بسرعه..حلا تعالي أوصلك
حلا:لا أنا بانتظر السايق
مساعد:إيش دعوه أنا موجود وتنتظرين السايق يالله تعالي إركبي
سحبت بيان حلا وركبوا السياره...
بيان تدور لحلا:حلا خلنا نروح السوق اليوم؟؟
حلا:اليوم بنروح السوق وبكره بنروح السوق خلنا نغير
بيان:لانبي نروح السوق اليوم ونقول للهنوف تروح معانا
حلا:بعدين ماأحب أروح السوق بروحي تعرفين سخافة الشباب إذا شافوا البنات
مساعد:إحم..إحم
حلا:هههههههه سوري بس هذي الحقيقه
مساعد:إذا قرب منك إي واحد عطيه تهزيئه وبروح
حلا:وليه ماتوفر علينا التهزيئ وتروح معانا؟؟
مساعد:أنا أروح معاكم ليه جنيت أمشي وراي شلة بنات
حلا:إيش دعوه بس ثلاث
مساعد:كان بودي بس الهوا ضدي عندي بزنز اليوم
بيان:ولايهمك حلا بس يقرب منك واحد بعطيه كف أأدبه لك
مساعد:كفو كذا الرجوله
وصلت حلا بيتهم ودخلت ولقت عزام في الصاله...
حلا:مرحبا
عزام:هلا..السايق هنا كيف رجعتي؟؟
حلا:مع مساعد ولدعمي
عزام:أها....(بعصبيه)من مساعدوه
حلا:أيوى ليه معصب؟؟
عزام:وليه راجعه معاه؟؟
حلا:ولد عمي وراجعه معاه إيش فيها؟؟
قام عزام ومشى ومر عليها وضربها على كتفها بقوه وراح...
حلا ماسكه يدها:آآآآآآآآآآآآي إيش فيه هذا؟؟
طلعت أم مشعل مع هيا من المطبخ ولقوا حلا راكبها وهي ماسكه يدها بقوه...
هيا:حلا
حلا دارت:نعم
هيا:إيش فيك ليه ماسكه يدك كذا؟؟
حلا:عزاموه الغبي ضربني بقوه
هيا:ههههههههههه
حلا:إضحكي بلاك ماجربتي ضربته
أم مشعل: أكيد عاندتيه بشي .. المهم بسرعه غيري ملابسك عشان نتغدا
حلا:طيب
وفي بيت بوراشد كان بوراشد جالس مع أم راشد بالصاله...
بوراشد:أم راشد قولي لهم يحطون الغدا؟؟
أم راشد:بس نايف ماوصل
بوراشد:ألحين يوصل
أم راشد:إنشالله
شوي ويدخل نايف رمى شنطته بقوه على الأرض...
نايف يصارخ:أكره المدرسه أكرها
بوراشد:هه انت إيش فيك تصارخ؟؟
نايف:أوه الغالي هنا
بوراشد:يالله بسرعه نبي نتغدا
بوراشد مر على نايف وضرب شي برجله نزل راسها يطالع...
بوراشد:شريط أغاني
نايف:ها..ما..
بوراشد:هذا الشريط من شنطتك؟؟
نايف بخوف:مدري
بوراشد يصارخ:كيف ماتدري هذا الشريط طالع من شنطتك ماخذه المدرسه ؟؟ليه؟؟
نايف منزل راسه خايف موب عارف إيش راح يرد على أبوه...
بوراشد:ماتتكلم يالفاشل
نايف:أوه أيوى أنا مودي هذا الشريط المدرسه إيش فيها يعني؟؟
بوراشد:وتقول إيش فيها كمان
نايف:أنا موب أول واحد ولاآخر واحد أخالف..(بخاطره)بلاك ماشفت المصايب
الثانيه تصارخ عشان شريط
أخذ نايف الشريط من يد أبوه ورفع شنطته...
نايف:سوري
ركب نايف غرفته...
بوراشد:الله يستر منك يانايف
بعد الغدا...
بيان:خلني أكلم الهنوف وأقول لها بنروح السوق اليوم
كلمت بيان الهنوف...
الهنوف:آلو
بيان:هلا الهنوف
الهنوف:هلا والله بيان
بيان:بتروحين مكان اليوم؟؟
الهنوف:لأ
بيان:أوكي بنروح السوق اليوم أنا وحلا بتروحين معانا؟؟
الهنوف:أمممممممم بسأل أمي وبرد عليك
بيان:بسرعه باي
الهنوف:باي
سألت الهنوف أمها ووافقت وإتفقت مع بيان إنهم يجتمعون في بيت بوعبدالعزيز
والعصر راحت الهنوف بيت بوعبدالعزيز.. وهي ماسكه مقبض الباب بتفتحه فجأه
إنفتح الباب بقوه ماقدرت الهنوف تمسك نفسها فارتمت عليه وهو كان بطيح بس
مسك نفسه ورفعها الهنوف مغمضه عيونها وماسكه راسها وماشافت من هو إلي إرتمت
عليه...
الهنوف بعصبيه:انت إيش فيك أحد يفتح الباب كذا؟؟
مساعد:سلامتك ياذوق
طلع مساعد على طول ومن سمعت صوته الهنوف وقفت منصدمه...
الهنوف:مسااااااااااعد..مستحيل
في هالوقت نزلت بيان وكانت لابسه عبايتها...
بيان: هلا وصلتي؟؟
الهوف:ها أيوى
بيان:إيش فيك كأن أحد عاطنك كف؟؟
الهنوف:أنا لا مافيني شي..وينها حلا؟؟
بيان:ألحين توصل تبينا ننتظرها بره ولا بالصاله؟؟
الهنوف:براحتك
بيان:خلنا نجلس بره الجو حلو
الهنوف:يالله
بيان بخاطرها:غريبه فيها شي
طلعوا من الباب إلا وتجي حلا...
حلا:مرحبا
بيان والهنوف:ياهلا
حلا:يالله السايق ينتظر
ركبوا السياره والهنوف شاغل تفكيرها مساعد...
الهنوف بخاطرها:الله ماحلاك يامساعد صوته رزه متى بس يحس قلبك فيني
أما مساعد مافكر بالموقف أبداً ولارجع لذاكرته ولاإهتم فيه عكس الهنوف إلي
كان شاغلنها طول الوقت.. مساعد كان في السياره يتهاوش مع فيصل...
فيصل:قلت لك نروح الفيصليه
مساعد:لأ المكتبه يعني المكتبه
فيصل:الفيصليه
مساعد:المكتبه
فيصل:الفيصليه
مساعد:أوكي نروح ألحين المكتبه وبعدين الفيصليه وتعشيني على حسابك
فيصل:هههههههههههه تنكت على حسابك انت
مساعد:أوكي
فيصل:ولا نطول بالمكتبه
مساعد:ولا يهمك
راحوا مساعد وفيصل المكتبه وجلسوا على الطاوله...
مساعد:مابتروح تاخذ لك كتاب؟؟
فيصل:لا مابي أقرا
مساعد:أوكي
راح مساعد بياخذ له كتاب وكانت هناك بنت تمشي وراه وقف عند مجموعة كتب
ووقفت جنبه مساعد ماعطاها وجه ولا طالعها حبت البنت تلفت إنتباهه فرمت
مفتاحها على الأرض حسبالها مساعد بيرفعه لها طالع مساعد المفتاح ومشى وعصبت
البنت كثير من حركته...
فيصل:ساعه تاخذ لك كتاب
مساعد:مافي كتب جديده خلنا نمشي
فيصل:يعني جبتنا على الفاضي
مساعد:للأسف بصير العشا على حسابك
فيصل:نععععععععععععععم
مساعد:أمزح لايوقف قلبك بل بخيـــــــــــــــل
وهم طالعين تلاقى مساعد وفيصل مع عزام وراشد...
فيصل بصوت خفيف:ياربي مايتهاوشون
تبادل مساعد وعزام نظرات إحتقار ومشوا...
عبدالعزيز كان نازل لأبوه إلي كان جالس بالصاله...
عبدالعزيز:مرحبا يوبى
بوعبدالعزيز:هلا هلاوالله بومتعب
عبدالعزيز:هههههه وسميتني بومتعب كمان
بوعبدالعزيز:خلاص من اليوم وطالع بومتعب.. ها إيشلونك مع الجازي؟؟
عبدالعزيز:ها..تمام
بوعبدالعزيز:غريبه اليوم الأربعاء وجالس بالبيت
عبدالعزيز:مالي مزاج أطلع
بوعبدالعزيز:طيب ليه ماتطلع مع خطيبتك؟؟
عبدالعزيز إرتبك:ها مدري عن إذنك يوبى تذكرت شي
بوعبدالعزيز مستغرب:تفضل
طلع عبدالعزيز في الحديقه...
عبدالعزيز:أطلع مع الجازي..أيوى هذا الشي إلي راح يقربني منها خلني أدق
عليها
الجازي كانت نايمه وصحاها الجوال...
الجازي بصوت نايم:آلو
عبدالعزيز:الجازي..سوري شكلك نايمه
الجازي:عزيز لا لا عادي
عبدالعزيز:أوكي مشغوله اليوم؟؟
الجازي:لأ
عبدالعزيز:خلاص بنروح نتعشا مع بعض اليوم
الجازي فرحت كثير:طيب
عبدالعزيز:باي
الجازي:باي..الله بنتعشا بروحنا
عبدالعزيز:مدري كيف بنقضي الليله
نزلت الجازي عشان تقول لأمها وكانت في المطبخ مع نايف...
الجازي:مرحبا
نايف وأم راشد:ياهلا
أم راشد:صحيتي؟؟
الجازي:أيوى..يمى اليوم بطلع مع عبدالعزيز نتعشا بره
نايف:لأ وألف لأ ماعندنا بنات يطلعون بروحهم الليل رجلي على رجلك
الجازي:وانت من كلمك بعدين أنا بطلع مع خطيبي موب واحد غريب
أم راشد:نايف ممكن تسكت؟؟
نايف:أوكي..(يطالع الجازي وهو ضاغط على أسنانه)أنا طالع
أم راشد:طيب يابنتي بس لاطولون
الجازي:إنشالله يالغاليه
وفي السوق كانت بيان في محل الملابس تدور بين الملابس...
بيان:حلا شوفي هذا القميص حلو صح؟؟
حلا:واو يجنن
بيان:اخذه؟؟
حلا:أكيد حلو مره
الهنوف:ها شفتوا شي؟؟
بيان:أيوى هذا القميص
الهنوف:أوكي يالله نحاسب
حاسبوا وطلعوا من المحل...
حلا:خلنا نروح ستارباكس
الهنوف:أيوى أنا من زمان ماشربت كابتشينو
راحوا حلا وبيان والهنوف ستارباكس ...
حلا:ها إيش تشربون؟؟
الهنوف وبيان:كابتشينو
حلا:أوكي
راحت حلا تطلب وقف وراها ولد...
الولد يبي حلا تدور:إحم
مافكرت حلاتدور..ضرب بصبعه كتفها عصبت حلا ودارت بتهزئه لكن حط صبعه على
فمها...
الولد:إششش
حلا:ناااااااايف
نايف:ههههههههه خفتي
حلا ضربت نايف على كتفه ضربه خفيفه:خرعتني يادب
نايف:كيفك؟؟
حلا:تمام..أخبارك انت؟؟
نايف:بخير..مع من جايه؟؟
حلا:بيان والهنوف
أخذت حلا طلبهم...
حلا:خلنا نشوفك
نايف:بس طالعي القمر
حلا:هههههههه باي
نايف:باي
وفي الليل راح عبدالعزيز بيت عمه ياخذ الجازي دخل ومالقى إلا الخدامه...
عبدالعزيز:هاي
الخدامه:هاي
عبدالعزيز:وينها الجازي؟؟
الخدامه:فوق
عبدالعزيز:طيب روحي
ماكمل كلامه إلا وتنزل الجازي وهي لابسه عبايتها وجاهزه...
الجازي:هلا عبدالعزيز
عبدالعزيز:هلا فيك جاهزه؟؟
الجازي:أيوى يالله
ركبوا السياره وبعد شوي...
عبدالعزيز:وين تحبي نتعشا؟؟
الجازي:براحتك
عبدالعزيز:طيب إيش رايك بجليز
الجازي:حلو
وصلوا المطعم وجلسوا على الطاوله وطلب لهم عبدالعزيز الأكل ..كل واحد مهم
يبي يفتح موضوع بس موب عارف إيش هو...
الجازي:عزيز
عبدالعزيز:هلا
الجازي:إيش فيك ملاحظه عليك هذي اليومين مضايق؟؟
عبدالعزيز بخاطره:معقوله حست إني ماأبيها لا مستحيل..لا ولا شي بس زحمة
الشغل والجامعه
الجازي بخاطرها:مدري ليه إحساسي يكذبك ياعبد العزيز..طيب ليه ماتترك
الدراسه بعدين انت ظامن الشغل
عبدالعزيز:أنا أفضل الدراسه على الشغل
الجازي:ليه؟؟
عبدالعزيز:لأن الشغل مسؤوليه وعوار راس بس الدراسه على راحتي لا أتعب نفسي
ولا شي
ومضوا الليله سوالف على الشغل والجامعه وصل عبدالعزيز الجازي بيتهم وراح
بيتهم ركب ولقى مساعد يشاهد التلفزيون بالصاله...
عبدالعزيز:مساعد
مساعد:هلا
عبدالعزيز:إيش تشاهد؟؟
مساعد:فيلم.. وين كنت؟؟
عبدالعزيز:أتعشى مع الجازي
مساعد:أها..ها مع الجازي
عبدالعزيز:أيوى
مساعد:تقدم .. وإيش صار؟؟
عبدالعزيز:ماصار شي
مساعد:يعني ماحسيت بشي؟؟
عبدالعزيز:إلا حسيت..حسيت إني مستحيل أتقبل الجازي وهي بدت تحس بهذا الشي
مساعد:عزوز انت إيش تقول؟؟
عبدالعزيز:وإذا ماعرفت اليوم إني ماأبيها بكره ولا إلي بعده تعرف ..ماأقدر
أصطنع حركات أكثر من كذا
مساعد:عزيز انت صاحي؟؟
عبدالعزيز:أنا تعبان وأبي أنام بكره نكمل الموضوع قود نايت
مساعد:قودنايت
أما الجازي كانت نايمه على السرير وتفكر...
الجازي:معاملته لي صارت جفا .. معقوله مايبيني لا مستحيل إذا مايبيني ليه
خطبني من البدايه..يمكن مثل ماقال الشغل والجامعه تاعبينه..أوف بصبر وبشوف
وفي اليوم الثاني بعد أذان الظهر دخلت الجازي الحمام تاخذ شور خلصت وطلعت
على صوت رنين جوالها...
الجازي:آلو
بيان:هلا الجازي
الجازي:أهلين بيان..كيفك؟؟
بيان:تمام..وانت؟؟
الجازي:أسأل عنك
بيان:أنا اليوم عازمتك على الغدا
الجازي:أممممممم أوكي
بيان:يالله بسرعه تعالي لاطولين
الجازي:أوكي باي
بيان:باي
الجازي:خلني أكلم عبدالعزيز وأقول له إني بجي بيتهم
كلمت الجازي عبدالعزيز إلي كان جالس على الكمبيوتر شاف رقم الجازي وقال...
عبدالعزيز:أوف هذي إيش تبي؟؟
رفعه على آخر رنه...
عبدالعزيز:هلا
الجازي:مرحبا عبدالعزيز
عبدالعزيز بدون نفس:هلا هلا والله الجازي
الجازي:أخبارك؟؟
عبدالعزيز:تمام..كيفك انت؟؟
الجازي:بخير
عبدالعزيز:أقول الجازي أنا مشغول ألحين أكلمك بعدين
الجازي مضايقه:أوكي باي
بعد ماسكرت الجازي الخط...
الجازي:ياربي إيش فيه ليه تغير علي كذا؟؟ماسويت له شي غلط أووووووووف


تتوقعون راح يستمر عبدالعزيز بمعاملته الجافيه للجازي؟؟
وبتعرف الجازي إنه مايبيها ؟؟وكيف بتتعايش مع الوضع ؟؟
راح تعرفون كل شي بأحداث الجزء الثالث
لبست الجازي عابتها ونزلت ولقت أبوها وأمها وراشد ونايف جالسين بالصاله...
الجازي:السلام عليكم
الكل:وعليكم السلام
أم راشد:طالعه؟؟
الجازي:أيوى باروح بيت عمي بوعبدالعزيز..وينه السايق؟؟
بوراشد:السايق موب هنا خلي واحد من إخوانك يوصلك
الجازي:ليه جنيت أركب مع راشدوه ولا نايفوه بالسياره
راشد ونايف:ليه إيش فينا؟؟
الجازي:لا بس لازم الأغاني على حدها والسرعه توصل 140
راشد:هذا إذا واحد منا تنزل يوصلك
نايف:صحيح
الجازي بعصبيه:نعععم
بوراشد:بس بس خلاص أنا بوصلك
الجازي:شكراً يوبى
وصل بوراشد الجازي بيت عمها دخلت وكانت بيان نازله.. سلمت بيان على
الجازي...
بيان:هلا والله بمرت أوخي
الجازي:هلا فيك
بيان:تفضلي
الجازي:أجل وينها خالتي؟؟
بيان:بالمطبخ ألحين تجي
الجازي:أجل خلنا نروح لها
بيان:يالله
راحوا بيان والجازي لأم عبدالعزيز بالمطبخ...
الجازي:مرحبا خالتي
أم عبدالعزيز:هلا هلاوالله بالغاليه..كيفك؟؟
الجازي:تمام الحمدلله
أم عبدالعزيز:وأمك متى بتجي؟؟
الجازي مستغربه:تجي؟؟ليه؟؟
أم عبدالعزيز:بيانوه ماقلتي لخالتك؟؟
بيان حاطه يدها على فمها:أوووو نسيت
أم عبدالعزيز:حسبي الله عليك خلني أروح أكلمها
الجازي:إش صاير؟؟
بيان:اليوم بنسوي عشاء عائلي ونسيت ماقلت لك تقولين لخالتي
الجازي:أها
بيان:صح إيش تشربين؟؟
الجازي:عصير
بيان:أوكي روحي الصاله وبجيبه لك
راحت الجازي الصاله ..عبدالعزيز طالع من غرفته بينزل إنتبه للجازي جالسه
بالصاله...
عبدالعزيز: الجازي هنا ليه جايه؟؟
نزل عبدالعزيز وراح لصاله...
عبدالعزيز:مرحبا
الجازي:هلا عزيز..طالع؟؟
عبدالعزيز:أيوى
الجازي:بتجي على العشا؟؟
دق جوال عبدالعزيز ورد عليه وطلع بدون مايقول للجازي شي...
الجازي:لا أكيد إنه مايبني مافي تفسير لحركاته غير كذا أووووف
جات بيان وهي حامله العصير...
بيان:الجازي إيش فيك؟؟
الجازي:هلا لا ولاشي
جات أم عبدالعزيز...
بيان:ها يمى كلمتيهم؟؟
أم عبدالعزيز:إيوى وراح يجون الليل إنشالله
شوي وينزل مساعد...
مساعد:Hallow
الكل:هلا
أم عبدالعزيز:كان لاصحيت؟؟
مساعد:اليوم الخميس ليه أصحى بدري.. كيفك الجازي؟؟
الجازي:تمام.. وانت؟؟
مساعد:بخير.. وينه عبدالعزيز؟؟
الجازي:طلع
مساعد:وين راح هذا؟؟إيه أعرفه يبي يتهرب
الجازي:يتهرب من إيش؟؟
مساعد ارتبك:ها لاولا شي..عن إذنكم
طلع مساعد في الحديقه ودق على عبدالعزيز...
عبدالعزيز:هلا
مساعد:هلا انت وينك؟؟
عبدالعزيز:بالشركه
مساعد:مطول؟؟
عبدالعزيز:مدري يمكن أطول
مساعد:أوكي باجيك ألحين
عبدالعزيز:أوكي باي
دخل مساعد عشان يغير ملابسه...
أم عبدالعزيز:ماتبي تتغدا؟؟
مساعد:لا أنا طالع
غير مساعد ملابسه وطلع ركب سيارته دق جوالها مسج فتح مساعد المسج...
مساعد راف حاجب مستغرب:الرقم غريب من منه هذا المسج؟؟
رمى مساعد جوالها على الكرسي إلي جنبه..وصل الشركه دخل وراح لمكتب
عبدالعزيز...
عبدالعزيز:ياهلا
مساعد:هلا فيك
عبد العزيز:تفضل
مساعد:ليه طلعت قبل ماشوفك تتهرب يعني
عبدالعزيز:اتهرب من إيش؟؟
مساعد:انت عارف
عبدالعزيز:أها
مساعد:وبعدين معاك انت؟؟ يعني ماراح تشيل فكرتك ماتناسبك من بالك
عبدالعزيز:لاتلومني يامساعد بلاك موب حاس بشعوري
مساعد:حاس والله إني حاس بس لازم تغير شعورك
عبدالعزيز:عواطفي موب بيدي
مساعد:طيب ليه ماتطلع معاها مره ثانيه
عبدالعزيز:تنكت..أنا المره الأولى ويالله تحملت تبيني أعيدها كمان
مساعد:مره وحده ماتكفي جرب مره وثنتين وثلاث
عبدالعزيز:نو ويه ماراح أعيدها أنا والجازي مستحيل نتأقلم مع بعض
مساعد:عزوز بليز إفهم الجازي إيش ذنبها تعاملها كذا مره ثانيه لاغير وصدقني
بتتغير
عبدالعزيز يبي يغير الموضوع:بتجي على العشا اليوم؟؟
مساعد:مدري
مساعد وهو قايم:فكر بالموضوع باي
عبدالعزيز:وين رايح؟؟
مساعد:برجع البيت
عبدالعزيز:أوكي باي
ركب مساعد سيارته ودق جواله دقه وحده أخذ مساعد جواله يشوف من...
مساعد: نفس الرقم..من هذا؟؟
دق جواله وكان المتصل نايف...
مساعد:هلا بالغلا
نايف:هلا والله.. هاو آر يو؟؟
مساعد:فاين وات أبوت يو؟؟
نايف:فيري قود.. مشغول؟؟
مساعد:لأ..ليه تسأل؟؟
نايف:أبيك تبرمج لي برنامج بالكمبيوتر
مساعد:برنامج أيش؟؟
نايف:انت تعال وشوفه
مساعد:أوكي ألحين أجي باي
نايف:باي
وفي بيت بومشعل كان عزام يتهاوش مع بندر على جوال عزام...
عزام يصارخ:ياغبي جيب جوالي
بندر: هذا جوالي أنا
عزام:قلت لك جوالي
بندر:لا لا جوالي
عزام عصب:بندروه والله مالي مزاجك جيبه لاأضربك
بندر:إذا ضربتني باقول للبابا يضربك
عزام:ياربي جيبه
عزام يحاول يسحب الجوال من يد بندر وبندر يصارخ دخل مشعل...
مشعل:هه انتوا إيش فيكم؟؟
عزام:قول لولدك يعطيني جوالي
بندر:بابا هذا جوالي
مشعل:خله يلعب به شوي
عزام:نعم وليه ماتعطيه جوالك
مشعل:بابا بندر إعطي عمك جواله
بندر:مابي
حاول مشعل ياخذ الجوال بس بندر ضربه على يده...
عزام يضحك:امحق بابا..جيب الجوال انت
سحب عزام جواله وطلع وبندر يبكي ويصارخ.. وصل مساعد بيت عمه فتح له الباب
نايف...
نايف:هلا
مساعد:أهلين..ليه بيتكم هدوء كذا؟؟
نايف: كلهم نايمين.. تفضل
راح نايف مع مساعد غرفته وجلسوا على الكمبيوتر...
مساعد:هذا البرنامج؟؟
نايف:يس
شوي ويدخل راشد...
راشد:نايفوه.. الحلو هنا وانا مدري
مساعد:هلا والله
راشد:هلا..نايفوه أبوي يبيك
نايف:لاتكذب أبوي نايم
راشد:توه صاحي وقال لي أناديك
نايف:طيب
راشد:كيف حال العائله الكريمه؟؟
مساعد:العائله الكريمه ولا..
راشد:ههههههه تفهمني
مساعد:تمام
دخل نايف...
راشد:أوكي أشوفك الليل باي
مساعد:باي
نايف:خلصته؟؟
مساعد:يس.. بتجون على العشا اليوم؟؟
نايف:أكيد
مساعد:أوكي أنا رايح باي
نايف:مشكور
مساعد:العفو
وهو طالع دق عليه فيصل وراح معاها الفيصليه.. وفي الليل إجتمعوا في بيت
بوعبدالعزيز الحريم مع بعض في الصاله والرجال في مجلس الرجال ...
بوعبدالعزيز:عزيز وينه أخوك؟؟
عبدالعزيز:طلع مع فيصل ألحين بيجي.
ـــــــــــــــــــــــــــــــــ
إيش بصير لمساعد إلي بأخره عن العشا؟؟ومن إلي كان معاه؟؟
والجازي وعبدالعزيز بظلون على هذي الحال ولا لأ؟؟
كل هذا بنشوفه في الجزء الرابع...
باي